Канон Богородице о детях.
Тропарь,глас 4
К Богоpо́дице пpитеце́м, су́щии в беда́х,/ и святе́й ико́не Ея́ ны́не пpипаде́м,/ с ве́pою зову́ще из глубины́ души́:/ ско́pо на́ше услы́ши моле́ние, Де́во,/ я́ко Скоpопослу́шница наpе́кшаяся,/ Тебе́ бо pаби́ Твои́ в ну́ждах// гото́вую Помо́щницу и́мамы.
Припев: Пресвятая Богородице,спаси чад моих.
(читается перед каждым тропарем)
Песнь 1
Целому́др ум пода́ждь чадом моим и се́рдце чи́сто, и нрав внима́телен, да соблюда́ют, Влады́чице, честны́я за́поведи Бо́га на́шего.
Облак мно́гих собла́знов обы́де чад моих, но я́ко Блага́я спаси́ их, Бо́га и Спа́са ро́ждшая, и ве́чныя му́ки изба́ви.
Не презри, Блага́я,чад моих совершающих беззакония и оскверне́ных го́рькими сластьми́, но от скверны вся́кия измы́й и спаси их.
Припа́даюТи, Чи́стая Де́во Богоро́дице: изба́ви чад моих на будущем суде огня́ ве́чнаго.
Песнь 3
Стена́ния немо́лчная, Влады́чице, да́руй чадом моим, и слез ту́чи даждь, да отмы́ют своя́ прегреше́ния мно́гая и неисце́льныя я́звы, и да получат жизнь ве́чную.
Не оста́ви чад моих, Де́во, погиба́ти, ни попусти́ снедь бы́ти жа́ждущему зми́ю лю́тому: но пода́ждь им Твою́ бога́тую ми́лость.
Две́ре благода́тная, отве́рзшая ве́рным дверь Небе́сную, покая́ния дверь све́тлую отве́рзи чадом моим, Влады́чице.
Боже́ственным сия́ниемТвои́м, Блага́я, просвети́ ду́ши чад моих, омраче́нных прелестью греха, и к спасе́ния стези́ напра́ви, Еди́на Спа́са Христа́ ро́ждшая.
Песнь 4
Яко лев рыка́я, льсти́вый и́щет чад моих погубить и показа́ть снедь свое́й зло́бе: но сего́ вре́да свободи́ их, Богородице.
Из ро́ва страсте́й и соблазнов возведи́ чад моих, несумненно прошу Тя, Богоро́дице Всеблаже́нная.
При́зри и услы́ши, Влады́чице, глас мой, и изба́ви чад моих, молю́ся, ве́чнаго осужде́ния.
Укрепи чад моих Пренепоро́чная в борьбе против собла́знов змиевых. Яже Свет Невече́рний нам рождшая , избави их вечного огня и тьмы.
Песнь 5
Окормле́ние чадом моим бу́ди, Чи́стая, в лю́той пучи́не жите́йских напа́стей обурева́емым, и наста́ви к спаси́тельному приста́нищу и спаси́ их.
Христиа́нское прибе́жище, па́дающих исправле́ние, Пречи́стая, согреша́ющих очище́ние, изба́ви чад моих огня́ негаси́маго, жизнь ве́чную подаю́щи им.
Наде́ждо ненаде́жных, помо́щнице ни́щих, пла́чущих уте́ха, согреша́ющих очище́ние, руководи́тельница заблу́ждших, боля́щих целе́бница и исправле́ние па́дающих.Спаси чад моих погибающих.
Яже Зижди́теля ро́ждшая и Изба́вителя всех, изба́ви чад моих страсте́й теле́сных, опаля́ющих сердца их и влекущих к дело́м неподо́бным.
Песнь 6
Возста́вила еси́, Пречи́стая, Твои́м Рождество́м ски́нию па́дшую и сокруше́нную, Дави́да Твоего́ пра́отца: те́мже возста́ви, Богоро́дице, и чад моих, рабов Твоих, сокруше́нных страстьми́ и прегреше́ньми.
Возсия́й чадом моим светом покая́ния, Богороди́тельнице, тьмою безбожного мира объятых, да́руй ру́ку по́мощи лежа́щим в грехах и Твои́ми моли́твами воздви́гни их, Чи́стая, твори́ти Бо́жия опра́вда́ния.
Стропо́тныя стези́ ше́ствовавших чад моих к пра́вей стези́ наста́ви, Яже Путь жи́зни ро́ждшая, Христа́ Бо́га на́шего.
Ло́вит, искуша́я, чад моих змий человеконенави́стный: сего́ упраздни́, Влады́чице, я́ко ро́ждшая Сокру́шившаго главы змие́в.
Песнь 7
Исцели́ душевные язвы чад моих, Пречи́стая, и смире́нныя сердца их, огорче́нныя я́дом змии́ным, де́йственною Твое́ю лечбо́ю уврачу́й.
Не яви́ чад моих бесо́м в ра́дость на суди́щи бу́дущем, Влады́чице: но матерински воззре́вши на них, Судию́ и Сы́на Твоего́ умоли́.
От злых страсте́й, от людей развращенных и от вся́каго прило́га сопроти́внаго спаси́ чад моих, Пречи́стая Богороди́тельнице, и огня́ ве́чнаго исхити́ их.
Возведи́ чад моих, Чи́стая, из глубины́ прегреше́ний, и наста́ви к све́ту Боже́ственных за́поведей Спа́са Христа́ и Бо́га: возсия́й им покая́ния спаси́тельной зарею и пода́ждь жизнь ве́чную.
Песнь 8
Да возвеселятся, Влады́чице, чада мои от любви к Твоему Сыну. Молитвами Твоими Пречистая настави их исполнять повеления Его от сердца и бояться согрешить.
Чад моих сохрани́, я́ко зе́ницу о́ка, под кро́вом крилу́ Твое́ю, Блага́я Пречи́стая, и от томле́ния и муче́ния лукавых духов изба́ви.
Ду́ши чад моих боля́щих исцели́ и ум омраче́нный просвети́, и огня́ исхити́, и ве́чных неизглаго́ланных мук, Богоро́дице Де́во Богоневе́сто.
Иже душа́м льсте́ц, привлече́ чад моих в поги́бельный ров: но простри́ им держа́вную Твою́ ру́ку, Богоро́дице Де́во, и ско́ро ко Све́ту возведи́.
Песнь 9
Путь жи́зни ро́ждшая, Пречи́стая, наста́ви чад моих ны́не на путь пра́вый, в безпу́тие греховных паде́ний низринове́нных.
Яже Исто́чник безсме́ртия ро́ждши, уя́звленных чад моих страстьми́, Отрокови́це, исцели́ и огня́ ве́чнаго исхити́, Еди́на Богоблагода́ная.
На пути́ жития́ блуждающих чад моих и безпу́тием ча́сто па́дающих во гресе́х, Влады́чице, к покая́ния стезя́м наста́ви.
Живы́й су́щий исто́чник, я́ко Во́ду жи́зни ро́ждши, ду́ши чад моих, иста́явших от пла́мени греха, Де́во Богоро́дице, ороси́, да Тя сла́вят во вся ве́ки.
